MANILA, Philippines — Nagpahayag ng solidong suporta ang Partido Demokratiko Pilipinas-Lakas ng Bayan (PDP-LABAN) para sa speakership ni Marinduque Rep. Alan Velasco.
Ito ay matapos na lumagda ang 30 miyembro ng partido sa isang manipesto na sumusuporta sa kandidatura ng kongresista sa speakership race sa Kamara.
Sa ginanap na caucus noong Linggo ng gabi, mismong si Pampanga Rep. Aurelio “Dong” Gonzales ang umapela sa mga miyembro na magkaisa sila na suportahan si Velasco para makuha ang liderato ng mababang kapulungan at pangunahan ito ng ruling party.
Sa naturang caucus, sinuportahan din ni Surigao del Sur Rep. Johnny Pimentel ang panawagan sa kanyang mga kasamahan na suportahan si Velasco at pumirma sa manifesto.
Iginiit ni Pimentel na malaki ang maitutulong ng mayorya kay Pangulong Duterte na chairman ng PDP-Laban kung ang mga kongresista ay magdedesisyon sa susunod na House Speaker ay pabor din sa Pangulo.