MANILA, Philippines — Nangunguna ang tandem Estrada-Bagatsing sa isinagawang survey ng iPoll Inc., isang UP based survey Firm kung saan tinanong ang 1,200 respondents kung sino ang kanilang iboboto sa pagka Alkalde at Bise Alkalde ng Maynila sakaling ngayon gaganapin ang halalan.
Lumalabas sa survey na ginanap nung October 19 at 20, 36% ang boboto kay Manila Mayor Joseph Estrada, 29% naman kay Alfredo Lim at 31% kay Isko Moreno habang sa Bise Alkalde naman ay 45% ay napunta kay Amado Bagatsing, 43% naman kay Honey Lacuna at 12% lamang ang kay dating Gen. Elmer Jamias.
Ayon sa survey, tatlo ang dahilan kung bakit lamang si Erap at Amado. Una, nahati ang boto ng Tondo dahil si Lim at si Isko ang laking Tondo kaya nabiyak ang kanilang pwersa.
Pangalawang dahilan ay incumbent si Mayor Erap at ang kanyang programang libreng edukasyon, libreng hospital at pag-unlad ng kaban ng lungsod ay gusto ng mga Manilenyo
At ang pangatlong dahilan ay ang District 4,5 at 6 ay matagal ng balwarte ng pamilya Bagatsing. Kaya buo ang kanilang pwersa.