MANILA, Philippines - Aabot sa .1 milyong trabaho ang maibibigay ng Solar City na itatayo sa may 148-ektaryang tourism commercial at residential district sa Manila Bay.
Sa ilalim ng proyekto, tatlong isla na pagtatayuan ng nabanggit na proyekto kung saan itatayo rin ang maraming business center, residential at commercial properties kabilang na ang international cruise ship terminal.
Kapag operational na ang Solar City ay mangangailan ito ng .5 milyong trabahador kung saan mas dadaigin pa nito ang Ayala Center sa Makati City; Taguig City na may Bonifacio Global City; at ang Araneta Center, Eastwood, at iba pang business district sa Quezon City.
Ito ang tiniyak ni Majority Floor Leader Councilor Casimiro Sison (6th District), kaugnay ng reclamation project kung saan itatayo ang Solar City urban center at dalawa pang malalaking reclamation projects sa Manila Bay.
Ayon kay Sison, bilyun-bilyong buwis ang kikitain mula sa proyekto kaya magiging mabilis ang pag-unlad ng Maynila na walang sariling makabagong commercial district kung saan tatawagin itong “Pearl of the Orient”.