MANILA, Philippines – Maging ang Malacañang ay nagpahatid na rin kahapon ng pagbati sa matagumpay na ika-45th presidential inauguration ng Amerika kung saan nanumpa bilang bagong pangulo si US President Donald Trump.
Ayon kay Presidential spokesperson Ernesto Abella, binabati nila ang mga mamamayan ng Amerika dahil sa matagumpay na inagurasyon ng kanilang bagong presidente.
Sinabi pa ni Abella na umaasa ang Malacañang na makatrabaho nang maayos ang bagong administrasyon base na rin sa pagpapakita ng mutual respect at benefit.
Idinagdag ni Abella na hangad ng Malacañang na magtagumpay si Trump sa susunod na apat na taon ng administrasyon nito.
Naniniwala ang Malacañang na ang mga bagong foreign policy ng Amerika ay magdudulot ng maayos na relasyon sa mga kaalyado nitong bansa katulad ng Pilipinas.