MANILA, Philippines - Muling nagpatupad ng oil price hike ngayong araw na ito ng Martes, Disyembre 27 ang mga kompanya ng langis.
Sa abiso kahapon ng Total Phils, magtataas ng halagang P0.50 kada litro ang kanilang gasolina, P0.25 kada litro naman sa diesel at wala namang paggalaw sa presyo ng kerosene.
Ang pagtaas ay epektibo kaninang alas-6:00 ng umaga at asahang mag-aanunsiyo na rin ang iba pang oil company na may kahalintulad na halaga.
Ang oil price hike ay bunsod nang paggalaw nito sa world market.
Matatandaan na noong nakaraang linggo ay nagpatupad nang pagtaas ng presyo ng kanilang produkto ang mga kompanya ng langis.