CAMARINES NORTE, Philippines – Buena mano sa loob ng kulungan para sa taong 2015 ang isang 46 anyos na rapist na ipagharap ng reklamo nang isang babaeng menor de edad matapos itong masakote ng mga awtoridad sa Purok 5, Brgy. Parang, Jose Panganiban, Camarines Norte kamakalawa ng hapon.
Inaresto sa bisa ng warrant of arrest na ipinalabas ni Judge Evan Dizon, Presiding Judge ng Regional Trial Court Branch 40 ng Daet, Camarines Norte ang suspek na nakilalang si Jesus Putong residente ng Purok 2 Brgy. Sta Milagrosa, Jose Panganiban, Camarines Norte.
Ang suspek ay nahaharap sa kasong rape in relation to RA 7610 at walang piyansang inirekomenda sa pansamantalang kalayaan nito. Kasalukuyan ng nagdurusa sa kulungan ang suspek.