MANILA, Philippines - Kalunus-lunos na kamatayan ang sinapit ng 55-anyos na lola matapos itong magulungan ng backhoe habang tumatawid sa kahabaan ng Benigno Aquino Avenue sa Iloilo City, Iloilo kamakalawa. Sa ulat ng Iloilo City PNP na nakarating sa Camp Crame, ihahatid ng biktimang si Teresita Jaravilla ang kaniyang apong lalaki sa eskuwelahan nang masagasaan. Sa testimonya ng guwardiya ng eskuwelahan sa mga imbestigador, masyadong matulin ang backhoe at hindi nito napansin ang matanda habang akay ang apo ng mahagip saka magulungan habang nakaligtas ang apo nito. Ayon pa sa pulisya, ang backhoe ay pag-aari ng Gio Transport kung saan naghihimas naman ng rehas na bakal ang driver nito.