MANILA, Philippines - Nauubusan na umano ng bala at kinakapos na rin sa supply ng pagkain kaya nagsisitakas na ang Moro National Liberation Front (MNLF) kaugnay ng krisis sa Zamboanga City na nasa ika-11 araw na ngayon.
Sa press briefing sa Camp Aguinaldo, sinabi ni AFP Spokesman Brig. Gen. Domingo Tutaan Jr., na patuloy na humihina ang puÂwersa at depensa ng mga kalaban kung saan ang bakbakan ay nakasentro na lamang sa mga barangay Sta. Catalina at Sta. Barbara.
“There are pockets of resistance but the rouge MNLF were running low in ammunition,†ayon sa opisyal.
Patunay na nauubusan na ng bala ang MNLF ay ang pagkakarekober ng ilang mga armas sa encounter kahapon sa KGK Building sa Sta. Catalina na wala ng mga bala. Kabilang dito ay isang US M1 rifle, isang cal. 45 pistol, set of bandoleers at isang M14 rifle.
Kamakalawa ay daÂlaÂwang sundalo ang napaslang ng sniper ng MNLF at dalawa pa ang nasugatan. Dalawa pang bihag ang naiÂligtas sa Sta. Catalina. Umaabot na sa 152 hostages ang nasagip. Samantala, nasa 104 ang death toll at 184 ang nasugatan.
Kabilang sa mga nasawi ay 11 sundalo, tatlong pulis, pitong sibilyan at 83 MNLF rebels.
Patuloy ang clearing operations sa mga Improvised Explosive Device (IED) na itinanim o posibleng naiwan pa ng MNLF sa mga lugar na nabawi na ng tropang gobyerno.