MANILA, Philippines - Dahil wala na ring silbi at hindi na maikokonsiÂderang matibay na katibayan ng pagkakakilanlan o “proof of identificationâ€, inihain sa Senado ang panukalang batas na nagÂlalayong tuluyan ng tanggalin ang cedula.
Sa Senate Bill 1082 na inihain ni Senator Francis “Chiz†Escudero, sinabi nito na nawala na ang silbi ng cedula o community tax certificate sa pagdaan ng panahon lalo pa’t napakarami ng identification cards mula sa gobyerno ang nagagamit ng mga mamamayan.
Mas matibay na umaÂnong patunay ng pagkakilanlan ang passport, driver’s license at iba pang government issued IDs kaya makakaÂbuting tanggalin na lamang ang cedula dahil ginagastusan pa ng gobyerno ang pagpapa-imprenta nito.
Pinaalala pa ni Escudero na binalewala rin ng mga Filipino ang paggamit ng cedula noong panahon ng mga mananakop na Kastila kaya dapat lamang na ganoon din ang gawin ngayon.
Ang cedula ay unang ipinatupad sa 19th century tax reform ng bansa noong nasa ilalim pa ng Kastila ang Pilipinas na ibinibigay matapos magbayad ng residence tax.
Noong 1896 pinunit ng mga Katipunero ang kanilang cedula sa paÂngunguna ni Andres Bonifacio bilang simbolo ng pag-aaklas nila sa SpaÂnish rule sa Balintawak.