MANILA, Philippines - Nawawala ang 30 mangingisda mula Infanta, Pangasinan na lulan ng anim na bangka matapos mamamalakaya sa bahagi ng West Philippine Sea.
Sa ulat ni Office of Civil Defense (OCD) Region 1 Director Melchito Castro, nitong Huwebes ay natanggap niya ang report hinggil sa pagkawala ng nasabing mangingisda na pumalaot bago pa man ang pananalasa ng bagyong Isang.
Nito pang nakalipas na linggo pumalaot ang mangingisda sakay ng 30 bangka pero magpahanggang ngayon ay hindi pa nakakabalik ng kanilang tahanan sa Brgy. Cato, Infanta.
Nagsasagawa na ng monitoring sa karagatan ng Northern Luzon ang Philippine Navy at Philippine Coast Guard upang hanapin ang mga nawawalang mangingisda at maibalik ang mga ito sa kanilang pamilya.