MANILA, Philippines - Nakatakdang isubasta ng Bureau of Customs ang 94,000 sako ng Vietanamese rice na nakumpiska noong Setyembre 2012 sa pier sa Legazpi, Albay.
Ayon kay BoC Comm. Ruffy Biazon, nagkakahalaga ng P88 milyon ang nasabing mga bigas.
Nais nito na magkaroon ng kaukulan at patas na pagsusubasta sa nasabing mga bigas kaya naman bubuksan maging sa media at Commission on Audit ang pagsusubasta ng mga ito para matiyak na hindi magkakaroon ng anumang dayaan.
“We will make sure that the prescribed procedures are followed to ensure the integrity of the auction,†ani Biazon.
Ang kargamento ay nakatakdang isubasta bukas, araw ng Miyerkules (Mayo 15) kung saan ito ay dumating sa bansa sakay ng cargo ship na Minh Tuan 68.
Kinumpiska ang naturang mga bigas matapos na mabigo ang consignee nito na Kapatirang Takusa, Ugnayang magbubukid ng San Isidro Inc., Malimpanang Concerned Citizens Inc., at Samahan ng Magsasakang Kapampangan at Katagalugan, na makapagpakita ng tamang dokumento na nagpapatunay na nagbayad ito ng tamang buwis sa gobyerno.
Ayon sa BOC, sumobra ang nasabing mga conÂsignees sa itinakdang rice import allocation ng National Food Authority.