MANILA, Philippines - Inendorso ng 1-Utak Party List si Team PNoy senatoriable Benigno Bam Aquino, kasama na rin ang kapwa-Team PNoy senatoriables na sina Sonny Angara at Jun Magsaysay, dahil sa pagsulong nila ng mga platapormang makakatulong sa hanapbuhay ng mga manggagawa at sa sektor ng transportasyon.
Nagpasalamat si Bam Aquino sa suportang iÂbinigay ng grupo, at paiigitingin pa raw niya ang pagsulong ng kanyang plataporma upang masolusyunan ang mga isyung hinaharap ng mga manggagawa sa transport sector.
Isa lang ang 1-Utak sa iba pang mga grupong umendorso kay Bam, tulad ng Urban Poor Associates, One Nation Movement, US Pinoys for Good Governance, Kaya Natin!, Ten Tribes of Davao City, award winning na actor na si Dingdong Dantes at marami pang ibang mga indibidwal at grupong may kumpiyansa sa batang Aquino.
Si Aquino ay tumatakbo sa platapormang edukasyon, trabaho, at negosÂyo para matulungan ang bawat pamilyang Pilipino na kumita at umasenso, at para tuluyan nang tapusin ang kahirapan.
Ayon kay Bam, ang kanyang mga unang isuÂsulong sa Senado ay ang Education 2.0 Act, na magbibigay ng mas maraming mga scholarship at college financing sa mga mag-aaral; ang GoTrabaho Act, na magsusulong ng schools-to-jobs matching at skills training para sa mga naghahanap ng trabaho; at ang GoNegosÂyo Act na magbibigay ng mas malawak na suporta para sa mga pinakamaÂliliit na negosyo kasama na rin ang mga magsasaka, mangingisda, at mga nagtitinda ng kalakal.