MANILA, Philippines - Lima katao ang sugatan matapos tumagilid ang isang pampasaherong bus sa gita ng Epifanio delos Santos Avenue sa bahagi ng Boni Serrano Avenue ngayong Miyerkules ng umaga.
Ayon sa Metropolitan Manila Development Authority (MMDA), iniwasan ng Nova Bus ang isang taxi kaya nawalan ng kontrol sa manibela ang drayber nito, dahilan upang tumagilid ang pampasaherong sasakyan.
Hindi pa kilala ang mga nasugatang pasahero ng bus na pawang dinala sa pinakamalapit na ospital.
Pinatindi pa ng naturang aksidente ang malalang lagay ng trapiko sa EDSA.
Ayon sa MMDA, agad na nahila sa tabing kalsada ang pampasaherong bus mga bandang 7:09 a.m.