MANILA, Philippines - Arestado ang isang 22-anyos na lalaki matapos umano nitong tagain ng bolo ang kanyang tiyahin sa Antipolo city, ayon sa opisyal ngayong Lunes.
Sinabi ni Senior Inspector Marlon Manalo ng Antipolo police na dinakip nila si Dalton Lipa dahil sa nasabing insidente.
Dagdag ni Manalo, inaalam pa nila ang kalagayan ng biktima na kinilalang si Minda Bautista.
Ayon kay Manalo, hinabol ni Lipa si Bautista ng bolo sa kanilang tinitirahan sa Barangay Mambugan hanggang sa masukol niya ito sa loob ng isang laundry shop ng kapitbahay.
Inaalam pa rin ng mga awtoridad ang motibo sa krimen. Dennis Carcamo