AYON sa psychology, ang sakit ay nagmumula sa mga negatibong emosyon na ating nararamdaman. Sa sobrang bigat, ito ay nagiging bukol at minsan, kanser.
1. Balikat at leeg: Ito ang sumasakit dahil sa tensiyon at stress bunga ng mabibigat mong responsibilidad na hindi mo na makaya.
2. Lower back: Ito ang naapektuhan o sumasakit dahil sa financial stress. O, walang kapamilya na sumusuporta sa iyong mga problema.
3. Panga: Ito ‘yung tiim-bagang ka na lang kahit sobra ang galit na nararamdaman mo. Nagngangalit ang iyong kalooban pero pinipigil mo ang sarili dahil sa takot, bunga nito, panga ang sumasakit sa iyo.
4. Balakang: Ang takot at past trauma (bullying at inabuso: verbal at sexual) ay madalas naiipon sa balakang kaya ito ang sumasakit.
5. Dibdib at heart area: Dito naiipon ang kalungkutan, dulot ng pagluluksa, kabiguan sa pag-ibig.
6. Tiyan at bituka: Kapag ninenerbiyos dahil sa nalalapit na exam, may itinatagong sikreto na malapit nang mabisto, may masungit na boss o titser, ang resulta ay nahihirapan kang matunawan, sumasakit lagi ang tiyan at madalas tinitibe. Lalamunan: Hindi niya mailabas ang kanyang saloobin kaya laging naninikip ang lalamunan.
7. Ulo: Ang migraine ay dulot ng overthinking, self sabotage, nadadamang inggit sa ibang tao, mataas na pride at kahihiyang naranasan sa publiko.
Una ay dapat mong kilalanin ang pinagmumulan ng negatibong emosyon upang malaman kung paano ito masosolusyunan. Ang panandalian naman paraan upang mababawasan ang sama ng loob ay sa pamamagitan ng pag-iyak, pagsigaw, pagsayaw, pagkanta, pagpipinta o paghabi ng kuwento o nobela. Kung may kakayahang magbayad, mas mainam ang pagkonsulta sa psychologists.