Ang larawan nang pamilya ay nasa silid ko
Sa araw at gabi ay nasisilayan ko
Kwadro’y nakasabit sa ulunang dako
Ng aking higaang malapit sa pinto
Kapag ibinukas nasabing pintuan
Nasa likod nito nasabing larawan
Kaya buong kwadro’y di nasisilayan
Nang kahit na sinong nasa tahanan
Okey lang sa akin kalagayang ito
Ang nasa larawan ay mahal kong walo
Si Itay si Inay at limang kuya ko
Ang pito’y patay na wala na sa mundo