Sa pagsisimula ng bawat umaga
ay umasa tayo na maging masaya;
pero sa tingin waring malayo pa
hinihintay natin na bagong pag-asa!
Sa ngayon pagmasdan mo ang paligid
pook ng mahirap ay lubog sa tubig;
mga mangingisda’t mga magbubukid
kinikita nila halos gagabinlid!
Sa mga bukirin at mga barangay
di rin kumikita sa inaning palay;
pa’no ang kanilang bukid at parang
lubog din sa baha pagpatak ng ulan!
At may mga nayong halaman ay sayang
masanting ang init dahil sa tag-araw;
hinging irigasyon sa mga mayaman
hindi nagagawa kahit noon pa man!