Malungkot ang binatang iniwan ng ama at ina
Malungkot ang binatang binasted ng sinisinta;
Malungkot ang babaing tumatandang dalaga
Malungkot din ang dalagang ayaw mag-asawa!
Malungkot ang buhay ng mga binata
Malungkot ang buhay ng mga magnanakaw
Buhay nila ay magulo’t malapit sa hukay;
Hukay nila ay kaiba kaysa ibang nabubuhay!
Malungkot ang inulila ng ama at ina
Lalo’t umaasa lang sa magulang nila;
Malungkot ang mga kawal na nasawi sa labanan
Sa bayan ay bayani silang nagpaalam!
Ang mga bayani malungkot ang buhay
Sarili’y tinaya hanggang kamatayan
Hindi alintana tayo’y mabuhay lang
Alay ang sarili sa ‘ting Inambayan.