Problema problema saka problema pa
Ngayo’y gumugulo sa loob ng bansa
Wala nang puntahan ang bata’t matanda
Kaya ang gobyerno ay walang magawa!
Mga mamamayang laging nagsisikap
Na ang hinihintay ay magandang bukas
Dahil sa problema’y hindi mapanatag
Magulang, kapatid agad nauutas!
Tanong nang marami nating mamamayan
Bakit ang problema’y walang katapusan?
Gulo sa Maynila at kahit saanman
Sila ay kasama sa problemang pambayan?
Tahimik na taong mga magbubukid
Inaagawan pa ng lupa’t patubig
Pag-uwi ng bahay, magulang, kapatid
Hinalay, pinatay ng mapanligalig!