Bansang Pilipinas ay napakayaman
mga tao rito’y mapera sa kaban;
magagandang pook ay napupuntahan
at hindi problema ang mga sasakyan!
Maraming biyaya tayong mga Pinoy
sa likas na yaman -- bundok ay makahoy;
sa lahat ng dako ay nangakahanay
ang mayamang lupa’t dagat na makinang!
Mga baya’t bukid nitong ating bansa
ang taong masikap maraming biyaya;
karagatan natin ay maraming isda
mga magsasaka sa linang sagana!
Ang ating lupain ay sapat sa lahat
bawat mamamayan ay may yamang likas
basta’t masikap ka at di tatamad-tamad
lupang bubungkalin may saganang bigas!