Marami sa ating mga tao ngayon
Dahil sa malaya’y walang panginoon;
Malayang gumawa ng labag sa leks’yon
Dahil di nag-aral ay nagiging maton!
At pati ang batas ng Inang Simbahan
Binabalewala sa mga tahanan;
Masamang ugali ang pinaiiral
Kaya lahat ngayon ay makasalanan!
Sa lahat ng dako’y talamak ang sala
Nababale wala ang ating hustisya;
Tingnan mo na lamang ang ating pulisya
Ang nagbabarilan kasamahan nila!
Noong araw naman ay hindi ganito
Kapagka may pulis tayo ay saludo;
Subali’t sa ngayon mga pulis dito
‘di na ginagalang ng kahi’t na sino!