Alam nang marami nating kababayan
Dumagsa ang tulong na para sa bayan;
Biyaya’y nagmula sa taga-kanluran
Pera at relief goods sa ngalang damayan!
Pagdamay na likas sa binagyong bansa
Kung kaya marami ang dito’y natuwa;
Amerika’t Japan, English at Kastila
Ang dala’y donasyon na marami’t dagsa!
Okey lamang namang tayo ay padalhan
Ng mga pagkain, gamot, kasangkapan;
Pero ang masaklap ibang kapalaran
Ang mga relief goods ay ninakaw lamang
Ang nangyaring ito ay lubhang masaklap
Sinapit ng lugar na salanta’t hirap;
Ang mga nagbigay taga-ibang dagat
Baka di na muling sa ati’y lumingap!