Sa nagdaang taon lahat nang sakuna
Naranasan natin at tayo’y lumuha;
Sa Bohol at Cebu lindol ay tumama
At sa lakas nito’y maraming nasira!
Nawasak ang mga bahay tao’y nangamatay
Nabiyak ang lupa bagsak mga tulay;
Kaya hanggang ngayon maraming lupaypay
Di pa makaahon sa buhay na luray!
Kaya ngayon na bagong taon na
Sana ay wala nang mangyaring trahedya;
Ang lindol at bagyo ay umiwas sana
Saan man sa mundo ay hindi tumama!
Ngayong taong ito’y ating idalangin
Lahat nang sakuna huwag nating danasin;
Gawaing masama ay iwasan natin
Upang ang panahon bumait sa atin!