Ikaw mutya ay maganda
kagandahang makabago
Nagising sa kabihasnan
ng maunlad na atomo;
Nguni’t ika’y mutya pa ring
karangalan ng lahi ko
Pagka’t bagong Maria Clara
mula paa hanggang ulo!
Magmula sa iyong buhok
hanggang sakong na sinaga
Larawan ka ng babaing
nararapat idambana;
Kayumanging kaligatan
ang kulay na mawiwika –
Sagisag ng Pilipinas
na bayan ko’t ating lupa!