MANILA, Philippines — Tinatayang aabot sa P3.2 milyon halaga ng hindi rehistradong luncheon meat ang nakumpiska nang salakayin ang isang bodega sa Taguig City, kamakalawa ng gabi.
Sa ulat, sa bisa ng search warrant na inisyu ni Presiding Judge Mariam Bien, Regional Trial Court Branch 153, Taguig ay sinalakay ng mga otoridad, bandang, ala-1:30 ng hapon ang isang bodega sa loob ng Veterans Center ng nasabing lungsod.
Dito ay inaresto ang may-ari ng bodega na si alyas “Angelica”, 29-anyos; alyas “Kristine”, 44, cashier/secretary; alyas “Mhar”, 33, bodegero; at alyas “Joey,” 41.Target din sa pag-areto sina alyas “Jinky”, alyas “Harry”, ay alyas “Insu” na pawang pinaghahanap pa. Mahaharap sa reklamong paglabag sa Section 11 ng Republic Act 9711 (FDA Law).