MANILA, Philippines — Ngayong araw sa ikaapat na pagkakataon, ay magpapatupad ng bahagyang rollback sa presyo ng diesel at ikatlo naman sa gasolina ang mga lokal na kumpanya ng langis.
Ipinahayag ng Petron Corporation, Pilipinas Shell, at Chevron Philippines na epektibo alas-6:01 ng umaga ngayong Martes, ang P0.10 sa kada litro sa premium at unleaded na gasolina, P0.20 sa kada litro sa diesel, at P0.45sa kada litro sa kerosene.
Dalawang iba pang malalaking kumpanya ng langis, ang PTT Philippines at Total Philippines, kasama ang mga independent oil players Jetti Petroleum, Petro Gazz, Phoenix Petroleum, Unioil Philippines, at Eastern Petroleum, na hindi nagbebenta ng kerosene, ay nag-anunsyo na babawasan din nila ang kanilang pump prices ng diesel at mga produktong gasolina sa parehong antas ngayong alas-6:01 ng umaga habang ang Clean Fuel na mauuna sa pagpatak pa lang ng alas-12:01 ng umaga ng Martes.