MANILA, Philippines — Dead on the spot ang isang pulis matapos ito ay pagbabarilin sa naganap na ambush kahapon ng madaling araw sa Barangay Baluan, General Santos City.
Kinilala ang nasawing biktima dahil sa mga tama ng bala sa iba’t ibang bahagi ng katawan ay kinilalang si Patrolman Jobert Horcedera Moremonte, miyembro ng Police Regional Office-12.
Sa mga hiwalay na ulat ng General Santos City Police Office at ng Police Regional Office-12, sakay ng kanyang motorsiklo si Moremonte, nang pagbabarilin ng mga kalalakihan na nakaabang sa madilim na lugar sa Purok Mapagmahal sa Agan Greenville sa Barangay Baluan.
Nakadapa ang biktima sa gilid ng kalye sa tabi ng kanyang motorsiklo nang datnan ng mga pulis at barangay tanod na nag-responde sa insidente.
Inaalam pa ng mga imbestigador ng General Santos police kung sino ang mga nasa likuran ng ambush.