MANILA, Philippines — Isang lalaki ang nasugatan nang saksakin ng kanyang ate na kanya umanong minura habang sila ay nagtatalo, kamakalawa ng gabi sa Caloocan City.
Nakaratay sa ospital ang biktimang si “Pulong,” 36, habang ang suspek na naaresto ay nahaharap sa kasong frustrated homicide na kinilalang si “Sara,” 49.
Sa ulat, naganap ang insidente sa Barangay, 176, North Caloocan, kung saan inabot sa loob ng bahay ng mga rescue workers ang biktima na may saksak sa balikat at itinakbo sa ospital.
Nabatid malimit na mag-away at pinagmumura umano ng biktima ang suspek hanggang sa napuno na ang huli kaya’t inatado ng saksak ang una.
Hindi naman itinanggi ni Sara ang kanyang ginawa ngunit idinahilang self defense umano ito dahil sinaktan siya ni Pulong, at dahil siya ay babae.