MANILA, Philippines — Isang restobar ang sumabog na ikinasawi ng isang katao at pagkasugat ng tatlong iba pa naganap kamakalawa ng gabi sa Calinan, Davao City.
Hindi na umabot ng buhay sa ospital ang biktimang si Romnick Creer Nortarte, 31.
Habang ginagamot ang mga nasugatang sina Emilita Rotarte Alegarme; Loribeth Toting Ñocyeo; at Rey Caresosa Agliones.
Sa ulat ng Davao City Police Office (DCPO), bago naganap ang pagsabog, alas-10:49 ng gabi nang mapansin ni Alegarme ang isang cellophane bag na nasa labas ng establisimyento at nang tignan ay bigla na lang itong sumabog kung saan nadamay ang iba pang mga biktima.
Hindi pa madetermina ng Davao City Forensic Unit (DCFU) ang ginamit na pampasabog at patuloy ang follow-up investigation para matukoy ang posibleng suspect at tinututukan ang gulong love triangle sa motibo ng pagpapasabog.