MANILA, Philippines – Isang kandidatong konsehal na si Cayetano “Onoy” Oro Jr., ng Brgy. Caloocan, Matnog, Sorsogon ay binaril at napatay ng dalawang lalaki na mga miyembro ng New People’s Army (NPA) habang ito ay nangangampanya kamakalawa ng alas-6:25 ng gabi.
Matapos ang pamamaslang mabilis na tumakas ang mga suspek sa hindi malamang direksyon bitbit ang kalibre 45 pistola na ginamit sa krimen.
May posibilidad umano na nabigong magbigay ang biktima sa mga rebelde ng pera para sa permit to campaign na ipinatutupad sa malalayong barangay ng mga NPA.
Si Oro ay tumatakbong konsehal ng bayan sa ilalim ng partido ni Vice President Jejomar Binay na United Nationalist Alliance.