MANILA, Philippines – Patay ang isang 40-anyos na ginang na finance officer ng isang appliances store matapos barilin ng isa sa limang lalaki na bumubuntot sa kanya habang patungo sa bangko para magdeposito kahapon ng umaga sa Quiapo, Maynila.
Ang nasawi ay kinilalang si Evelyn Dacatimbang, kawani ng A-Zone Appliances and Electronics Center na matatagpuan sa panulukan ng Rizal Avenue at Ronquillo St, Sta. Cruz, Maynila.
Batay sa kuha ng CCTV sa lugar ay nasa 4 hanggang 5 lalaki ang nagsagawa ng krimen na pinaniniwalaang pakay ang dalang pera ng biktima.
Lumalabas sa imbestigasyon, dakong alas-10:00 ng umaga sa kahabaan ng P. Gomez St, kanto ng R. Hidalgo St, sa gilid ng SM Department store ay sinundan na ang biktima mula sa pagkalabas nito sa tindahan na pinapasukan na may dalang bag na naglalaman ng P300,000.00 na kinita ng tindahan para ideposito sa Metrobank-Quiapo Branch nang ito ay barilin sa ulo at nang humandusay ay tinangay ang dalang bag nito.
Sa kabila ng dami ng vendor at taong naglalakad ay wala ni isang.
Paniwala ng otoridad na nasubaybayan ng mga suspek ang galaw o routine at pattern ng dinaraanan ng biktima sa tuwing ito ay magdedeposito sa bangko.