MANILA, Philippines - Nagsagawa ng surprise inspection si Manila Mayor Joseph Estrada sa Divisoria upang tiningnan nito ang sitwasyon ng mga vendors at sitwasyon ng trapiko.
Umapela si Estrada sa mga vendors na sundin ang napag-usapang sistema sa pagtitinda at paglalagay ng mga paninda sa kasunduang hindi maapektuhan ang daloy ng trapiko sa Divisoria.
Sinabi ni Estrada, binibigyan lamang nila ng pribilehiyo ang mga vendors upang kumita, subalit hindi naman dapat na makaperwisyo ng iba.
Layon ni Estrada na buhayin ang Divisoria na sentro ng kalakalan sa Maynila ay makahikayat pa ng mga negosyante na mamumuhunan sa bansa upang makatulong sa pag-unlad ng lungsod.
Nais ni Estrada na kilalanin ang discipline zone na ipinatutupad ng Task Force Organized Vending upang maisaayos ang hanay ng mga vendors.