MANILA, Philippines – Isang retiradong pulis at lima nitong kasama ang inaresto ng mga otoridad matapos maaktuhan na gumagamit ang mga ito ng shabu sa isang drug raid kahapon ng madaling araw sa Quezon City.
Ang mga naaresto ay kinilalang sina Ricardo Calara, na most wanted sa lungsod, dating pulis na si SPO1 Francisco Tangonan; Lea Ann Maligo;Victor Reporma; Orlan Merloza at Cecilia Nolasco.
Bago ang pagdakip sa mga suspek sa may Agham Road, Sitio San Roque, Brgy. Pagasa sa lungsod,ganap na alas-12:00 ng madaling araw ay halos isang linggong sinubaybayan ang galaw ni Calara hanggang sa kumagat ito sa kanilang pain.
Isang pulis ang nagsilbing poseur buyer at bumili ng shabu sa P10,000 at nang magkaabutan ng items ay doon na ito inaresto si Calara.
Itinuro naman ni Calara ang isang bahay na ginagawa nilang drug den na ilang metro lamang ang layo sa lugar na ikinaaresto niya at nahuli sa aktong bumabatak ng shabu at limang suspek na nahulihan ng 5 gramo ng shabu at paraphernalias.