MANILA, Philippines - Idineklara kahapon ni Camarines Sur Rep. Leni Robredo na tinatanggap na nito na tumakbong bise-presidente ni Liberal Party standard bearer Mar Roxas na ginanap sa Club Filipino, San Juan City kahapon.
Nagpasalamat naman si Robredo sa kanyang mga anak sa pagbibigay ng ‘blessing’ na tumakbo siya bilang bise-presidente at muling magsakripisyo para sa bayan tulad ng kanyang yumaong asawa na si Sec. Jesse Robredo.
Wika pa ni Robredo sa kanyang pagtanggap para maging runningmate ni Roxas sa darating na 2016 elections, ang mabuti pa rin ang parating mananaig.
Dinaluhan mismo ni Pangulong Benigno Aquino III ang LP event kung saan ay idineklara si Rep. Robredo bilang opisyal na vice-presidential candidate ng Liberal Party at runningmate ni Roxas.
Sa Biyernes naman ihahayag ng LP ang 12 senatorial line-up nito, ayon kay Pangulong Aquino.