MANILA, Philippines - Dead on the spot ang isang 6-anyos na batang lalaki makaraan itong masagasaan at magulungan ng isang trak sa kahabaan ng Tabbacan Brgy. Road, Lutheran Compound, Abatan, Buguias, Benguet kamakalawa.
Ang nasawi ay natukoy sa palayaw nitong Boy, Grade 1 pupil at residente ng Brgy. Ambabag Guinaoang, Mankayan, Benguet.
Batay sa ulat, bago nangyari ang aksidente bandang alas-10:25 ng umaga sa kahabaan ng Tabbacan Barangay Road ng bayang ito ay kasalukuyang bumabagtas ang kulay asul na Isuzu Elf truck (WTS-294 ) na minamaneheo ni Jumarson Tay-og, 29, na may lamang mga patuka sa manok nang biglang sumulpot ang isang van.
Tinangkang iwasan nito ang van, subalit nahagip ang biktima na nasa gilid ng kalye at nagulungan ang ulo at katawan.
Kusang loob na sumuko ang driver at nahaharap sa kasong reckless imprudence resulting to homicide.