MANILA, Philippines – Sa loob mismo ng bahay natagpuang patay ang isang 24-anyos na dalaga na pinaniniwalaang ginahasa muna bago pinatay ng hindi pa nakikilalang suspek sa loob ng kanilang bahay sa
San Juan City, kamakalawa ng gabi.
Ang biktima ay kinilalang si Robin Jacque Ong, ng Barangay Batis sa lungsod.
Batay sa ulat, dakong alas-8:00 ng
gabi nang matagpuan ang biktima ng kanyang ina na si Josefina na patay ang anak sa loob ng kuwarto nito.
Sa pagsisiyasat ng pulisya, na ang biktima ay posibleng ginahasa dahil nakahubad ito mula
beywang pababa at posibleng nanlaban sa suspek dahil sa nakitang sugat
sa kamay at ulo na siyang dahilan ng kanyang kamatayan.
Hinala ng pulisya na maaaring natutulog ang biktima nang pasukin ito sa kanyang kuwarto, saka hinalay at posibleng nanlaban kaya pinatay.
Isinailalim sa medico legal upang mabatid kung may laceration ito.