MANILA, Philippines - Nasugatan si dating Senador at DENR Secretary Heherson Alvarez nang aksidenteng bumangga ang sasakyan nito sa isang nakaparadang truck sa tabi ng highway ng Brgy. Pandanon Silos, Murcia, Negros Occidental kamakalawa ng hapon.
Sa ulat, bandang alas-3:00 ng hapon ay galing sa isang diyalogo si Alvarez tungkol sa climate change sa Talisay City at sakay ng kaniyang kulay puting Montero Sport habang patungo na sana sa San Carlos City nang bumangga ang sasakyan nito sa nakaparadang truck.
Nabatid na mabilis umano ang sasakyan na kinalululanan ni Alvarez na nasa 120 kph hanggang 130 kph at nang tangkain nitong mag-o-overtake sa motorsiklo ay nabangga ito sa nakaparadang truck.