MANILA, Philippines - Pinagbabaril ang isang 17-anyos na binatilyo ng hindi nakikilalang salarin sa Poblacion, San Pablo, Zamboanga del Sur, kamakalawa ng gabi.
Sa ulat ng pulisya ang biktima na si Jerome Amsid, first year college student ng JH Ceriles State College sa San Pablo Campus at residente sa Purok Lawis, Brgy. Tandubuay ng nasabing lugar ay bigla na lang binaril habang naglalakad dakong alas-9:15 ng gabi sa Purok Matinabangan, Poblacion, San Pablo, partikular sa tabi ng Ninos Function hall.
Papauwi umano sa boarding house mula sa paaralan ang biktima ng pagsapit sa naturang lugar ay bigla na lamang itong pinagbabaril ng suspek gamit ang kalibre 45 at matapos ang insidente ay mabilis na tumakas ang suspek.
Posible umanong may nakaaway ang biktima na siyang nag-abang dito at saka binistay ng bala ang katawan ng biktima.
Patuloy ang imbestigasyon ng otoridad sa nasabing insidente.