MANILA, Philippines - Hindi na umabot ng buhay ang isang 24 anyos na checker nang ito ay aksidenteng ma-suffocate sa loob ng isang manhole ng isang nakadaong na barko sa pier ng Brgy. Bulacan, Mabini, Batangas, kamakalawa.
Ang nasawing biktima ay kinilalang si Marlon Macayan, 24, checker sa Webb Fontaine at taga Alang-Alang, Leyte.
Sa salaysay sa pulisya ni Antolin Vega Jr., 2, surveyor ng Webb Fontaine, ng Meycauayan, Bulacan, dakong ala-1:40 ng hapon nang ma-suffocate ang biktima sa loob ng manhole ng barkong M/V Florinda 1 na nakadaong sa pier ng nasabing lugar.
Bago ito, inutusan ang biktima na pumasok sa manhole ng hold number 3 ng barko para kumuha ng sample ng kargamento nitong mais, na-suffocate ito nang makalanghap ng phospine gas dahilan upang mahilo ito at himatayin.
Isinugod ang biktima Mabini General Hospital, subalit idineklara itong dead- on arrival.