MANILA, Philippines - Nasawi ang isang 7-anyos na batang lalaki nang malunod ito sa Marikina River matapos na habulin ang bolang nahulog kamakalawa ng hapon.
Ang bangkay ng biktima ay narekober dakong alas-10:00 ng umaga kahapon ay kinilalang si Mark Villanueva, Grade 1 pupil, at residente ng Park 22, Police Village, Concepcion Uno, Marikina City.
Sa ulat, dakong alas-1:00 ng hapon ay naglalaro ng bola sa di kalayuan sa kanilang bahay ang biktima nang tumalbog ang bola nito at mahulog
sa ilog.
Tinangka naman umano ng bata na habulin ang bola ngunit aksidenteng nadulas ito at nahulog sa ilog at inanod ng malakas na agos ng tubig.
Tinangkang sagipin ang bata ngunit hindi ito natagpuan ng mga rescue team at kahapon ng umaga nang matagpuan ang bangkay ng bata sa ilog na nagsisimula ng maagnas.