MANILA, Philippines - Patay ang isang 46-anyos na tindero nang pagbabarilin ng isa sa dalawang lalaking magkaangkas sa motorsiklo sa tapat ng kanyang tindahan sa Caloocan City kamakalawa ng gabi.
Dead-on-arrival sa Caloocan City Medical Center dahil sa tama ng bala sa ulo ang biktimang si Reynaldo Bornales, residente ng C. Cordero street, ng naturang lungsod.
Sa ulat ng pulisya, nagliligpit na ng kanilang mga paninda si Bornales sa tindahan nito na nasa tapat ng bahay dakong alas-7:50 ng gabi nang biglang huminto ang isang motorsiklo lulan ang mga salarin at sunud-sunod na pinaputukan ang biktima sa ulo ng malapitan.
Blangko naman ang mga otoridad sa motibo ng pamamaslang dahil sa wala pang maibigay na impormasyon ang mga kaanak ng biktima.