MANILA, Philippines - Nasawi ang isang magkapatid nang sila ay pagtatagain ng kanilang kapitbahay na nag-amok sa Brgy. Togoron, Monreal, Masbate.
Ang magkapatid na nasawi ay kinilalang sina Jian Cantoria, 15-anyos Rea Cantoria, 2-anyos dahil sa mga tinamong taga sa iba’t ibang bahagi ng katawan.
Nilalapatan naman ng lunas sa ospital ang dalawa pang biktima na sina Digol Cantoria, 4-anyos; kapatid ng mga nasawi at Tom Rejano, 17-anyos.
Sa imbestigasyon, dakong alas-8:30 ng umaga noong Sabado sa Brgy. Togoron, Monreal ay bigla na lamang nag-amok ang suspek na si Cyrel Laurio Relauo, 31 anyos, may-asawa at isang magsasaka.
Pinasok nito ang bahay ng kapitbahay nitong si Panong Cantoria at saka pinagtataga ang mga biktima na nandon sa mga oras na yon.
Nabatid na dumaranas umano ng matinding depresyon ang suspek dahil sa pagpatay nito sa kapatid na lalaki at ilang araw ng kakaiba ang ikinikilos hanggang sa mag-amok.