MANILA, Philippines - Idineklarang dead on arrival sa ospital ang dalawang katao habang dalawa ang malubhang nasugatan nang aksidenteng magbanggaan ang isang kotse at kasalubong nitong LPG trailer tanker kahapon ng umaga sa highway ng Mariveles, Bataan.
Ang mga nasawi ay kinilalang sina Rayland Macapulay at Jerry Orilla, 50.
Nilalapatan naman ng lunas sa pagamutan ang mga nasugatang sina Rachel Samong, 25 at Richard Peñaflor ng Limay, Bataan.
Sa ulat, bago nangyari ang aksidente dakong alas-6:00 ng umaga sa kahabaan ng Roman Highway, Doña Nene, Brgy. Alasasin sa nasabing bayan ay kasalukuyang binabagtas ng LPG trailer truck na minamaneho ni Domingo Danozo, 59, kasama ang pahinanteng si Joeyshir Suliva, 34 nang aksidenteng makabanggaan nito ang kasalubong na Nissan Sentra (UPR-824) na minamaneho ni Macapulay sakay ang nasawi ring si Orilla at ang dalawang sugatang sina Samong at Penaflor.
Nabatid na masyado umanong mabilis ang takbo ng Nissan Sentra hanggang sa bumangga ito sa unahang bahagi ng LPG trailer tanker.