MANILA, Philippines - Utas ang opisyal ng Quezon City Police Distric (QCPD) makaraang tambangan ng apat na armadong suspek sa Barangay Batasan, sa Quezon City kahapon ng hapon.
Nakilala ang biktima na si Insp. Rodelio DiongÂco, nasa hustong gulang, nakatalaga sa Intelligence Unit ng QCPD Station 12.
Nabatid na dakong alas-2:10 ng hapon nang tambangan ng apat na armadong suspek na sakay ng tig-isang motorsiklo ang biktima habang sakay ito ng kanyang owner type jeep sa may IBP Road, tapat ng Batasang Pambansa.
Kahit sugatan, nagawa pa umanong makalabas ng sasakyan ang biktima at makipagbarilan sa mga suspek, subalit nagloko ang baril nito kaya siya napuruhan sa putukan at masawi.
Narekober sa crime scene ang may 16 na basyo ng bala ng hindi pa mabatid na kalibre ng baril.
Patuloy ang pagsisiyasat ng otoridad sa nasabing insidente.