MANILA, Philippines - Walang kalaban-laban na pinagtataga ng kanilang kapitbahay ang tatlong miyembro ng isang pamilya habang mahimbing na natutulog sa kanilang bahay naganap kahapon ng madaling-araw sa Tanay, Rizal.
Nasawi noon din ang mag-asawang Fedelino Valencia, 50, at Babylyn Valencia, 42, ng Sitio Rawang, Brgy. Tandang Kutyo, habang malubhang nasugatan ang anak nilang si Jayme Valencia, 12.
Agad nadakip ang suspek na si Henry Barcelona Jr., 21, kapitbahay ng mga biktima.
Batay sa ulat, dakong alas-2:00 ng madaling-araw ay mahimbing na natutulog ang pamilya sa kanilang bahay sa nasabing lugar nang pasukin ng suspek at walang kaabog-abog na pinagtataga.
Hindi pa batid ng pulisya kung ano ang galit ng suspek sa pamilya kaya’t nagawa nito ang krimen.