MANILA, Philippines - Hindi umano matanggap ng isang 19-anyos na 3rd year college student ng PATTS College of Aeronautics ang ginawang pagkalas sa kanya ng nobya kung kaya’t nagawa nitong tapusin ang buhay sa pamamagitan ng pagtalon mula sa 11-palapag ng inuupahan nitong condominium kahapon ng umaga sa Parañaque City.
Ang biktima na idineklarang dead-on-arrival sa San Juan De Dios Hospital ay kinilalang si Carlo Feliciano, nanguÂngupahan sa Chauteu Bay Tower, na matatagpuan sa kahabaan ng Roxas Boulevard, Barangay BacÂlaran ng lungsod.
Sa imbestigasyon ng pulisya, dakong alas-7:00 ng umaga nang tumalon ang biktima mula sa ika-11 palapag ng naturang condoÂminium.
Ayon sa ulat, bago tumalon ang biktima ay nagpunta ito sa kanilang terrace para manigarilyo habang abala naman ang ina nitong si Chona, 40 na nagluluto ng kanilang almusal.
Ilang sandali ay bigla na lamang lumundag ang biktima mula sa kanilang terrace at lumagapak sa kalsada.
Nabatid, na nakipagkalas umano sa biktima ang nobya nito na hindi na binanggit ang pangalan.
Lumalabas din na dalawang beses nang nagtangkang magpatiwakal ang biktima at sa ikatlong pagkakataon ay natuluyan ito.
Hinala ng pulisya na posibleng hindi nakayanan ng biktima ang ginawang pagkalas ng nobya.