MANILA, Philippines - Binawian ng buhay makalipas ang isang oras ang isang sundalo matapos na ito ay ma-hit and run ng isang sasakyan habang nagmomotorsiklo kamakailan sa kahabaan ng C5 Road, Taguig City.
Ang nasawi ay kinilalang si Staff Sergeant Jonathan Yoro, 37-anÂyos, tubong Binirayan Hills, San Jose, Antique at nakatalaga sa Post Provost Marshall Headquarters and Headquarters Support Group, Philippine Army.
Naulila ng biktima ang misis nitong si Mary Grace at apat na anak na ang pinakabunso ay 3 buwang sanggol.
Sinabi ni Philippine Army Spokesman Lt. Col. Noel Detoyato, naganap ang insidente kamakailan habang lulan ang biktima ng motorsiklo nitong Yamaha sa kahabaan ng C5 road na patungo sana sa Aranai, Brgy. Ususan, Taguig City nang ma-hit and run ng isang rumaragasang sasakyan na may plakang PHQ-104.
Sa lakas ng pagkakabangga ay tumilapon ang biktima sa kaniyang motorsiklo bunsod upang magtamo ito ng mga malalalim na sugat sa iba’t-ibang bahagi ng katawan.