MANILA, Philippines - Nasawi ang tatlong lalaki at isang babae na hindi pa alam ang mga pangalan habang 22 ang nasugatan matapos ang banggaan ang isang bus at mini bus kahapon ng umaga sa national highway ng Sitio Ipil, Brgy. Pilar, Hinigaran, Negros Occidental.
Sa ulat, dakong alas-10:30 umaga nang maganap ang banggaan ng isang Ceres bus na minamaneho ni Jonathan Maghari, 54 at mini-bus na minamaneho naman ni Rufino Banga, 55.
Nabatid na patungo ang Ceres bus sa Bacolod City habang patungo naman sa Kabankalan City nang mangyari ang sakuna.
Ang dalawang driver ay nasa kostudya ng pulisya at nakatakdang kasuhan.