MANILA, Philippines - Halos nagmistulang uling ang tatlong batang magkakapatid matapos na makulong sa nasusunog nilang bahay kamakalawa ng gabi sa bayan ng San Gabriel, La Union.
Ang tatlong magkakapatid ay kinilalang sina Mae Joy Gacayan, 7-anyos; Sheena, 5-anÂyos at Meynard Carl, 3-anyos.
Nakaligtas naman ang kuya nilang si John Mark, 10-anyos matapos na makatakbo palabas sa nasusunog nilang bahay.
Batay sa ulat ng pulisya, dakong alas-7:00 ng gabi nang masunog ang bahay ng pamilya Gacayan na matatagpuan sa Brgy. Polipol, San ÂGabriel, La Union.
Lumalabas sa imbestigasyon na pansamantalang iniwan ng kanilang ina ang mga biktima upang pumunta sa kanilang taniman nang mangyari ang sunog.
Malaki ang paniwala ng pulisya na ang natumbang lampara sa bahay ng pamilya ang pinagmulan ng sunog dahil matagal ng walang kurÂyente sa bahay.