MANILA, Philippines - Hinoldap ng tatlong lalaki na sakay ng isang motorsiklo ang isang magsyota habang nagÂlalagay ng hangin sa kanilang motorsiklo sa gaÂsoÂlinahan kahapon ng madaling-araw sa PanÂdacan, Maynila.
Tinangay ng mga suspek ang mga wallet at bag na naglalaman ng pera at iba pang mahalagang kagamitan at identification cards, pati ang motorsiklo ng magnobyo na kinilalang sina Jonas Garchitorena, 21, call center agent, ng Jesus Ext., Pandacan, Maynila at Riccaeli Torres, 22, nurse ng Vina Village, Imus City, Cavite.
Sa salaysay ng magsyota, dakong alas-2:30 ng madaling-araw habang nagpapahangin gulong ang mga biktima sa Shell Gasoline Station na matatagpuan sa Presidente Quirino, Pandacan nang lapitan ng tatlong lalaki na sakay ng isang motorsiklo at pawang naÂkahelmet.
Agad na tinutukan ng baril si Garchitorena at kinuha ang pitaka nito at sling bag ni Torres, bago sinakyan ng isa sa suspek ang motorsiklo at mabilis na tumakas.
Kabilang sa natangay sa magsyota ay 8,120.00 Euro at $50 USD at mga IDs, cellphone at iba’t ibang susi at Yamaha Mio na kulay asul.